奇妙－A duck 's Diary

重溫番之前既日記,
上年2012年呢段時間仲係等緊番公開大學既日子,
時間真係過得好快..
好似無幾耐既事

同埋我以前d日記差唔多全部係鼓勵自己既說話,
咩日記泥= =
都無咩紀錄到自己既生活

琴晚去左唱k同沙田倒數,
本身諗住番屋企過,
好彩有呀芯約,haha~仲有大佬,
好happy^^
同一班人一齊倒數真係好開心~
但係睇唔到煙花,有煙無花個呀叔勁好笑~
之後去左影相傾計,
你地兩個都要加油,最緊要唔好令到自己唔開心..
有咩野想講隨時搵我吧~~我真係一個好好既聆聽者,真係唔錯架有Q嘜保証haha!
番到家整曬野5點幾先訓到

聽日要繼續番工了~
又要自己去搵其他部門換過張access card..
一個月要換一次,
本身唔洗架..搵個高層禁個掣approve我可以有張正式card,
但係個高層講"temp clerk都要我理埋?",
妖...唔係你理邊個理,
成個部門而家得你可以approve到,
我又係直屬你,
真係屈機到爆..
呢度d高層做野真係勁唔掂..
責任一個卸一個
難頂