人.生－A duck 's Diary

呢幾日FB好多小/中學同學都大學畢業,
今年有個好朋友都辭左職入大學讀full time

曾幾何時我都諗過要入大學...
覺得讀過大學先可以証明讀書叻..
但到中四中五時,
完全無心機讀書..
日日番到屋企就係瞓..食完飯瞓..
凌晨先沖涼做功課,
當時真係好sai時間同浪費人生..
中學階段係我一段唔見得人既人生..
頹廢可以形容當時既我!

而且個陣參加課外活動..交通安全隊,
開頭好有熱誠同呀媽講..
一定有恆心玩落去..
但原來真係好辛苦..
個個禮拜五要練操..
個教練好惡..
好想同裡面既同學打成一片,
但點做都係識唔到熟人..
個陣可以話係自成一角

到後來..我又開始放任~
朝早要去練我都逃避唔去,
要去到俾人捉既地步先走去練,
原本比賽好似有正選
後來變左做後備

好記得有一次..
練操之前要磨令對鞋俾隊長check..
個次我放左對鞋係locker,
完全唔記得磨..
到check既時候..
我同個隊長講我唔記得磨,
個隊長竟然喊左出泥..
我唔知係個次好多人唔記得磨搞到佢喊
定係我真係太理直氣壯同佢講..
但我當時真係一d羞愧心都無
到我經過間房..
咁岩俾我聽到有人講好似我搞喊個隊長..
個下我真係好嬲同唔開心...因為第一次睇到有人背後講我..而佢地都望到我

本身話要個晚磨完先番家..
但之後又話唔洗~
搭巴士時唔開心到有d想喊..
但又喊唔出..
因為當時我真係已經唔想再留係交通安全隊

呢樣野真係我人生既污點..
無同人講過..
突然之間諗番起..
真係唔知點解我做人可以咁淆底?
做咩我要參加d唔適合我既野..
同埋咁封閉自己?
唔明....

琴晚睇左2套好好睇既卡通,

[PARANORMAN]
最後套戲講..
恐懼可以令到自己做出好可怕既事..
好岩呀..
我一驚就會逃避..
逃避唔番學..唔番工..唔同個個人接觸..
我要似個男主角咁..
即使身邊既人唔信你..對你閒言閒語..
自己既原則都係唔會變!!+勇敢!!!!